“Günlərdir ki, evdən çölə çıxmıram. Karantinin belə darıxdırıcı günlərində sevindirici xəbər almaq əhvalıma xoş təsir bağışladı. Mən Prezident İlham Əliyevə təşəkkür edirəm. Cənab Prezidentimiz Ulu Öndərin yolu ilə gedərək biz sənət adamlarını qiymətləndirir, hər zaman qayğı göstərir. İcazə alaraq evən çıxıb, Prezidentə təşəkkür teleqramı göndərəcəyəm”, – deyə tanınmış müğənni vurğulayıb.

Qeyd edək ki, sabah 80 yaşı tamam olacaq Xalq artisti Niyaməddin Cabbar oğlu Musayev bu gün Prezident İlham Əliyevin  Sərəncamı ilə Azərbaycanda estrada sənətinin inkişafında xidmətlərinə görə 2-ci dərəcəli “Əmək” ordeni ilə təltif olunub.