Koronavirus(COVİD 19) pandemiyasına qarşı mübarizə və tibbi təhlükəsizlik tədbirlərinin gücləndirilməsi məqsədilə Azərbaycanda dövlət qurumları ilə yanaşı özəl müəssisələr və şirkətlər də qabaqlayıcı profilaktik tədbirlər həyata keçirirlər.

“Azpetrol” şirkətinin yanacaqdoldurma məntəqələrində (YDM) də bu baxımdan  xüsusi  tədbirlər görülmüşdür. Bu barədə Aktualinfo.org-a “Azpetrol” şirkətinin İctimaiyyətlə Əlaqələr Şöbəsindən məlumat verilmişdir.

Şirkət müştərilərin nəzərinə çatdırır ki, şirkətə məxsus 92 YDM xüsusi dərman vasitələri ilə  mütəmadi dezinfeksiya olunur. Qabaqlayıcı tədbirlər çərçivəsində bütün əməkdaşlar maska və əlcəklərlə, YDM-lər isə antiseptik tibbi  mayelərlə təmin olunmuşdur.