Azərbaycan Respublikasının Strateji Obyektlərin Mühafizəsi Dövlət Agentliyinin kollektivi Şəhidlər xiyabanını ziyarət edib, burada 20 Yanvar faciəsi qurbanlarının xatirəsini ehtiramla yad ediblər.

Ağentlikdən Aktualinfo.org-a verilən məlumata görə qanlı 20 Yanvar faciəsinin 34-cü ildönümü ilə əlaqədar Azərbaycan Respublikasının Strateji Obyektlərin Mühafizəsi Dövlət Agentliyinin (SOMDA) rəisi, general-mayor İlqar Abbasov və SOMDA-nın şəxsi heyəti  Şəhidlər xiyabanına gələrək Azərbaycanın müstəqilliyi və ərazi bütövlüyü uğrunda mübarizədə canlarını qurban vermiş qəhrəman Vətən övladlarının xatirəsini ehtiramla yad edib, məzarları önünə gül dəstələri qoymuşlar.

SOMDA-nın şəxsi heyəti adından “Əbədi məşəl” abidə kompleksinin önünə əklil qoyulmuşdur.