Belarus Prezidenti Aleksandr Lukaşenko Ermənistanın baş naziri Nikol Paşinyanın Minskdə keçiriləcək Kollektiv Təhlükəsizlik Müqaviləsi Təşkilatının (KTMT) sessiyasında iştirakdan imtina etməsinə adi reaksiya verib və ona tələsik qərarlar verməməyi təklif edib.

Bu barədə “RİA Novosti”yə Belarus liderinin mətbuat katibi Natalya Eysmont bildirib.

“Bəzi digər tanınmış siyasətçilərin oxşar vəziyyətlərindəki təcrübələrinə və hərəkətlərinə əsaslanaraq Prezident (Aleksandr Lukaşenko-red). Ermənistan baş nazirinə tələsməməyi, tələsik qərarlar qəbul etməməyi, parçalanmaya yönəldilə biləcək növbəti addımları ciddi şəkildə düşünməyi təklif etdi”,- Eysmont bildirib.

Lukaşenkonun Paşinyanın gəlməkdən imtina etməsindən sonra sakitliyi bu cür tədbirlərin istənilən dövlətin rəhbərinin işi olduğunu başa düşməklə bağlıdır. O, oxşar dəvətlərin digər ölkələrin liderlərinə də göndərildiyini xatırladıb.

Qeyd edək ki, Paşinyan KTMT-nin sammitində iştirak edə bilməyəcəyini açıqlayıb.

Bu qərarla bağlı danışan Rusiya Prezidentinin mətbuat katibi Dmitri Peskov bildirib ki, Moskva Ermənistanın baş nazirinin sessiyada iştirakdan imtina etməsindən təəssüflənir.