İkinci Qarabağ müharibəsindən sonra təxminən 3 ildir ki növbəti müharibədən danışılır və həqiqətən də hər bir əlamət ona hazırlığı göstərir, lakin müxtəlif səbəblərdən hazırlıq və əslində müharibəyə getmək niyyəti iki fərqli şeydir.

Bu barədə sualları cavablandırarkən Amerikalı analitik İrina Tsukerman deyib.

O qeyd edib ki, Ermənistan İkinci Qarabağ müharibəsində çox pis məğlubiyyət yaşadı.

“Rusiya ermənilərə onların məhvi ilə nəticələnməyəcək ciddi döyüşə hazırlaşmaq üçün lazım olan yardımı göstərə bilmir. Deməli, ya real müharibəyə hazırlıq yoxdur, ya da ermənilər başqa dəstək axtarırlar. İrəvan Rusiyadan qopmaq istəyir və yenidən müharibə sülh danışıqlarına, reinteqrasiya prosesinə ciddi zərər vura bilər. Fransa isə rəsmi olaraq Ermənistana silah tədarük etməyə razılıq verib. Böyük miqyaslı qarşıdurmalarda erməniləri dəstəkləmək kimə daha çox üstünlük verəcək? Bunun üçün biz Bakıya birbaşa hücum etməyə cəsarət etməyən, lakin bütün dünyada müxtəlif münaqişələri qızışdırmaq üçün etibarlı vasitələrdən istifadə edən İrana baxmalıyıq”, – deyə o vurğulayıb.

Analitik bildirib ki, Tehran Bakıdakı sabitliyi pozduqca və öz daxili vəziyyətinə mənfi təsir etdikcə, ermənilərin itkisi və ya müharibənin nəticələri vecinə deyil.

“Rusiyadan fərqli olaraq, İran birbaşa böyük müharibə aparmır. Əslində Ukraynadakı müharibədən istifadə edir. Ermənilərlə sövdələşmələr apararaq pilotsuz təyyarələrin satışı və qüvvələrinə erməni dilində təlim keçdiyi bildirilir.

Digərləri daha az dolayı yolla töhfə verən aktyorlar ola bilər, lakin nəzarətdən çıxa biləcək böyük eskalasiyadan yalnız İran faydalanacaq”, – deyə o əlavə edib./trend.az