Avropa ilə Rusiya arasında münasibətlər konsensusa əsaslanmalıdır.

Bunu ABŞ-ın keçmiş dövlət katibi Henri Kissincer deyib.

“İstərdim, Rusiya etiraf etsin ki, onun Avropa ilə münasibətləri razılığa və bir növ konsensusa əsaslanmalıdır. Əminəm ki, münaqişə başa çatsa, bu məqsədə nail oluna bilər. Rusiyanı “incimiş gücə” sövq etmək olmaz, çünki bu, yeni gərginliklərə səbəb ola bilər”, – o bildirib.

Kissincer qeyd edib ki, güclər arasında geosiyasi münasibətlərdə hərbi təfəkkürün üstünlük təşkil etməsi təhlükəsi var:

“Bu da Rusiya-Ukrayna münaqişəsini qlobal qarşıdurmaya çevirə, Çin kimi ölkələri özünə cəlb edə bilər”.