Fazil Mustafanın vəziyyəti stabil olaraq qiymətləndirilir.

Bu barədə  mətbuata TƏBİB-dən bildirilib.

TƏBİB-in tabeliyindəki Bakı Şəhəri Təcili və Təxirəsalınmaz Tibbi Yardım Stansiyasına Milli Məclisin deputatı Fazil Mustafanın xəsarət alması barədə saat 21:55 radələrində çağırış daxil olub, dərhal həkim briqadası cəlb edilib.

Sağ çiynin, sağ budun yuxarı üçdə birinin güllə yarası diaqnozu ilə hazırda ona zəruri tibbi xidmətlərin göstərilməsi davam edir. Vəziyyəti stabil olaraq qiymətləndirilir. Həyati təhlükəsi yoxdur.

Deputatın qardaşı oğlunun mətbuata verdiyi məlumatda onun əməliyyata götürüldüyü bildirilib.

Aktualinfo.org