BMT Ali Məhkəməsinin Azərbaycanın üzərinə Laçın yolunun “mühasirəsinə son qoymaq” öhdəliyi qoyan aralıq qərarı, eyni məhkəmənin Bakının ermənilərin yoldan mina və silah daşımaq üçün istifadə etməsi haqqında dəlillərini qəbul etməkdən imtina etməsi Azərbaycanda qəzəbə və müzakirələrə səbəb olub.

Xaricdə yaşayan politoloq Ərəstun Oruclu Haaqadakı qərar və Albaniyada Rusiya nefti daşıyan Azərbaycan gəmisinə həbs qoyulması arasında əlaqəyə və ya təsadüfə diqqət çəkərək, narahatlığını bildirib. O, bu hadisələrdə Azərbaycana qarşı sui-qəsdin narahatedici əlamətlərini görür. Qeyd edək ki, erməni politoloqlar “Qarabağa gedən yeganə yolun mühasirəsinə” görə Azərbaycana qarşı sanksiya tətbiq edilməsini tələb ediblər.

İctimai fəal Tofiq Yaqublu ekoloqların Laçın yolunda aksiyasının Putinin Brüssel və Vaşinqtonun Bakı və Yerevan arasında münasibətlərin normallaşdırılması üzrə səylərinin pozulmasına yönəlmiş iradəsinin icrası olduğu haqqında çoxsaylı xəbərdarlıqlarını xatırladıb. “İlham Əliyev təcavüz ittihamlarının Ermənistandan qaldırılıb Azərbaycana qoyulması üçün hər şey edir”, deyə T.Yaqublu yazıb.

Əmək Hüquqlarını Müdafiə Liqasının sədri Sahib Məmmədov Haaqada çıxan qərara görə narahat olmamağa çağırıb, belə ki, sənəddə Azərbaycan hökumətinin insanların və yüklərin sərbəst hərəkətini təmin etmək öhdəliyindən bəhs edilir.

“Bundan Azərbaycan üçün pis heç nə yoxdur. Bizim üzərimizə narkotik vasitələri, mədənlərdən çıxan rəngli metalları və silahları buraxmaq öhdəliyi qoysaydılar pis olardı”, deyə S.Məmmədov qeyd edib.

Politoloq Fərhad Məmmədov baş verənlərdə, o cümlədən Yerevanın Bakının Laçın və Zəngəzur yollarında nəzarət-buraxılış məntəqələri quraşdırılması haqqında təklifindən imtinasında Paşinyanın Qarabağ ermənilərinin işlərində iştirakının fəallaşmasını görür.

“BMT Beynəlxalq Məhkəməsinin qərarından və bu qərarın Ermənistan XİN tərəfindən şərhindən sonra Paşinyanın Ruben Vardanyanla bağlı mövqeyində dəyişiklik ola bilər. Qarabağ separatçılarının başçısı Araik Arutyunyan Vardanyanın “dövlət naziri” səlahiyyətlərini icra etməyə davam etməsində israr edir. Paşinyanın təxminolunmaz siyasətinin Ermənistanı hara aparıb çıxaracağını müşahidə edəcəyik”, deyə F.Məmmədov qeyd edib.

O, Azərbaycanın “Qisas” hərbi əməliyyatının Ermənistan Təhlükəsizlik Şurasının katibi Qriqoryanın Azərabycanın Ermənistanın Laçından çıxması tələbinin qanunsuz olduğu haqqında bəyanatının nəticəsi olduğunu xatırladıb. “Bu, sonda hamıya məlum oldu…”.

Oxucu Kamal Sultanov BMT Beynəlxalq Məhkəməsinin qərarından istifadə edərək, Laçında istənilən həcmdə humanitar xarakterli yüklərin sərbəst (sənəd tələb etmədən, yalnız hərbi xarakterli məhsul olmamasının fiziki yoxlanışından sonra sərbəst) buraxılmasını, habelə Qarabağda daimi yaşayan vətəndaşların bu nəzarət-buraxılış məntəqəsindən sərbəst keçidinin təmin edilməsindən ibarət olan xüsusi statusla nəzarət-buraxılış məntəqəsi yaradıldığını elan etməyi təklif edib.

“Bu zaman hərbi xarakterli yüklərin nəzarət-buraxılış məntəqələrindən, təbii ki, buraxılmayacağını, buna görə də sərhəddən keçən bütün yüklərin yoxlanılmalı olduğu, habelə Azərbaycan hökumətinin icazəsi olmadan çıxarılan faydalı qazıntıların regiondan çıxarılmasına yol verilməyəcəyi açıq və aydın şəkildə bildirilməlidir”.

Bakı Yerevanın insan hüquqlarının pozuntusuna görə məsuliyyətə cəlb edilməsinə çalışmağa davam edəcək, bu barədə Azərbaycanın xarici işlər nazirinin müavini Elnur Məmmədov BMT Beynəlxalq Məhkəməsinin qərarını şərh edərkən bildirib. “Məhkəmənin Ermənistanın mina yerləşdirməsinin müvəqqəti tədbirlər qəbul edilməsi üçün tələblərə uyğun olmadığı haqqında əvvəlki rəyinə yenidən baxmamaq haqqında qərarı işin mahiyyəti üzrə qərar deyil və Azərbaycan bundan sonra da Ermənistanın məsuliyyətə cəlb edilməsinə nail olmağa çalışacaq”, deyə Məmmədov çərşənbə günü Twitter-də yazıb.

Azərbaycan tərəfin nümayəndəsi məhkəmənin öz qərarında Bakının Azərbaycanın “10 noyabr 2020-ci il tarixli üçtərəfli bəyanata uyğun olaraq, Laçın yolunda təhlükəsiz hərəkətin təmin edilməsi üçün öz ixtiyarında olan bütün addımları atmağa davam etmək öhdəliyi götürdüyü” haqqında təqdimatını diqqətə aldığını bildirib.

“Ermənistan məhkəmənin 7 dekabr 2021-ci il tarixli əvvəlki qərarına uyğun olaraq vəziyyəti gərginləşdirməkdən imtina etməyə davam etməlidir”, deyə nazir müavini E.Məmmədov bildirib./aztoday.az