Rusiya Xarici İşlər Nazirliyi (XİN) Ermənistanın Baş naziri Nikol Paşinyanın Azərbaycan-Ermənistan sərhədinə beynəlxalq müşahidəçilərin yerləşdirilməsi təklifinə münasibət bildirib.

Rusiya XİN-in rəsmi nümayəndəsi Mariya Zaxarova bu gün keçirdiyi brifinqdə Rusiya, Azərbaycan və Ermənistan liderlərinin üçtərəfli razılaşmalarının həyata keçirilməsinin vacibliyini qeyd edib.

Onun sözlərinə görə, həmin razılaşmalarda nəzəriyyə və praktika, baş verənlərin konstatasiyası və gələcək planlar var. Bu sənədlər sadəcə vasitəçilər arasında və hər bir ölkə ilə ayrılıqda imzalanmayıb, uzunsürən tarixi münaqişənin tərəfləri arasında imzalanıb. Buna görə də həmin sənədlər əsl yol xəritəsidir.

Zaxarova həm daxildən, həm də xaricdən əldə olunan razılaşmaları dəyişmək istəyənlərin olduğunu da diqqətə çatdırıb.

“Onlar çox şey vəd verirlər. Söz verməyi bacarırlar. Onların bu illər ərzində gördüyü işin nəticəsi olmadı. Əldə olunan üçtərəfli razılaşmalar isə kağız üzərində qalmadı, mərhələli şəkildə, addım-addım həyata keçirilir. Hər şey dərhal reallaşmır. İstəyirik ki, maksimum olsun. Ona görə də reallığı xəyalla dəyişmək olmaz. Bu, yəqin ki, ümumi qaydadır”, – deyə o vurğulayıb.

Ermənistanın müəyyən siyasi xadimləri tərəfindən KTMT-nin ünvanına səsləndirilən əsassız tənqidlər faydalı deyil və yoxlanılmış qarşılıqlı məqbul həll yollarının axtarışına töhfə vermir.

O bildirib ki, bu siyasətçilər harada olurlarsa-olsunlar, bu cür destruktiv bəyanatların heç bir faydası yoxdur.

Zaxarova, həmçinin qeyd edib ki, Moskva bir sıra qeyri-regional oyunçuların Cənubi Qafqaz regionuna qeyri-sabitlik gətirmək cəhdlərini görür və bu, uzun sürən böhrandan çıxmaq üçün hüquqi şans əldə edir.