Pakistan və ABŞ sülh üçün partnyor ola bilər, müharibə üçün yox!

Bu sözləri Pakistan Baş naziri İmran Xan deyib.

O, Pakistan və ABŞ-ın Əfqanıstana qarşı müharibə başlatmaması gərəkdiyini bildirib:

“ABŞ üçün baza yaradılması məsələsində mənə müraciət edildi. ABŞ Əfqanıstanda məğlub oldu və bu məğlubiyyətin günahını bizim üstümüzə atmağa çalışdılar. Pakistan suverenliyi məsələsində güzəştə getməyəcək”.

Qeyd edək ki, Pakistan ABŞ-ın Əfqanıstandan ordunu çıxarmaq üçün bu ölkədə baza qurmaq təklifini qəbul etməyib.