Azərbaycanın xalq artisti Yalçın Rzazadə vəfat edib.

Bu barədə jurnalist Əli Novruzəliyev sosial şəbəkə hesabında yazıb.

O qeyd edib ki, xalq artıstinin oğlu məlumatı təsdiqləyib:

“İndicə Yalçın müəllimin oğlu Mətinlə danışdım. 1 saat öncə böyük sənətkarımız, sadə və gözəl insan, xalq artisti Yalçın Rzazadə dünyasını dəyişib.

Qeyd edək ki, Yalçın Rzazadə 31 dekabr 1946-cı ildə Lənkəran rayonunda ziyalı ailəsində doğulub. 1963-cü ildə Azərbaycan Dövlət Mədəniyyət və İncəsənət İnstitutuna daxil olub və 1967-ci ildə həmin institutun aktyorluq fakültəsini bitirir. 1968-ci ildə Üzeyir Hacibəyov adına Azərbaycan Dövlət Konservatoriyasına daxil olub və 1973-cü ildə həmin təhsil ocağını bitirib. 1979-cu ildə Əməkdar artist, 2000-ci ildə Xalq artisti adına layiq görülüb.

Allah rəhmət eləsin!