“Səni öldürməyə qalxanın başını da, əlini də, ayağını da kəsmək lazımdır. O sənə hücum etdisə, vur, öldür, ağına-bozuna baxma!”

Bu sözləri açıqlamasında Əməkdar artist Aybəniz Haşımova deyib.

Sənətçi xalqı diqqətli olmağa səsləyib:

“Bundan sonra özümüzü həmişə ermənilərdən qorumalıyıq. Mən bilmirəm bundan belə nə qədər yaşacağam, bu günü gördümsə şükür edirəm. Gənclərə səslənirəm ki, özünüzü bu millətdən qoruyun. Demirəm ki, gedin durduğu yerdə vurun öldürün, çünki Azərbaycan xalqı hər zaman humanistliyi ilə dünyada tanınıb. Amma səni öldürməyə qalxanın başını da, əlini də, ayağını da kəsmək lazımdır. O sənə hücum etdisə, vur, öldür, ağına-bozuna baxma! Amma bizə toxunmasalar, adam balası kimi yaşamağı bacarsalar, bizim onlarla nə işimiz var, qoy yaşasınlar”.

A.Haşımova işğaldan azad edilmiş torpaqlarda ehsan verməyi əhd etdiyini açıqlayıb:

“İnşallah, hamımız birlikdə Qarabağa gedərik. Mənim bir neçə il bundan qabaq ürəyimdən bir arzu keçdi, həmin vaxt əhd elədim ki, Cıdır düzündə ehsan verəcəm. Oraya yekə aş qazanları aparacam, aş dəmləyəcəyəm. Torpaqların azad olunması münasibətilə öz əllərimlə plov hazırlayıb, ehsan verəcəyəm. Bunu etməmişdən əvvəl sosial şəbəkələrdə mütləq elan verəcəyəm ki, gedirəm. Kim istəsə mənə qoşular, gedərik”. /yenisabah.az/