Şəkildə gördüyünüz Azərbaycanın Milli Qəhrəmanı Əliyar Əliyevin Qubadlı rayonun Qəzyan kəndində yerləşən məzarıdır. Gördüyünüz bayrağı isə Milli Qəhrəmanımızın məzarı üstünə şagirdi olmuş General-mayor Mais Bərxudarov sancıb.

Aktualinfo.org xəbər verir ki,bu barədə məlumatı “Vestnik Kavkaz” xəbər portalı yayıb.

Məlumatda General-mayorun “Mən Milli Qəhrəmana söz vermişdim.O vaxtdan bəri Azərbaycan bayrağına “zəfər” yazmışam.Arzum bu bayrağı Laçın koridoruna sancmaqdır” – qeyd etdiyi bildirilir.

Qeyd edək ki, bir müddət əvvəl dövrü mətbuatda General-mayor Mais Bərxudarovun Milli Qəhrəman Əliyar Əliyevlə məşq zamanı çəkilmiş birgə fotosu yayılmışdı.