Rusiya Xarici İşlər Nazirliyinin sözçüsü Mariya Zaxarova Avropa İttifaqının (Aİ) Finlandiyanın keçmiş prezidenti Sauli Ninistö tərəfindən açıqlanan rəsmi hesabatında keçmiş SSRİ-nin rəhbəri Vladimir Lenindən gətirilən sitatın saxta olduğunu bildirib.

O, belə halların Aİ üçün də adi hal olduğunu deyib.

“Hesabatın ön sözündə Ninistö Vladimir Lenindən sitat gətirib: “Yeri süngü ilə hiss et: palçığa dəysə, davam et, poladla rastlaşsan, dayan”.

Saxtakarlıq Aİ hesabatları üçün qeyri-adi deyil”, – Zaxarova belə söyləyib.

Rusiyalı diplomat qeyd edib ki, Lenin bu ifadəni heç vaxt dilə gətirməyib və yazmayıb:

Zaxarovanın sözlərinə görə, Finlandiyanın keçmiş prezidenti dəfələrlə saxtakarlığa əl atıb.

“Məsələn, 2014-cü ildə özündən belə bir “rus atalar sözü” icad eləmişdi: kazak ətrafda gördüyü hər şeyi götürür. Söz yox ki, belə bir atalar sözü yoxdur”.

Rusiya rəsmisi əlavə edib ki, Finlandiya 1917-ci ilin sonunda ona verilən müstəqilliyə görə Sovet Rusiyası Xalq Komissarları Sovetinin sədrinə (Lenin) minnətdar olmalıdır.