Ermənistan Baş naziri Nikol Paşinyan faktiki və açıq şəkildə Azərbaycan qarşısında 12 öhdəlik götürüb və onları sürətləndirilmiş bir templə yerinə yetirəcək.

Bunu erməni jurnalist Davit Sərkisyan deyib.

Sərkisyanın iddiasına görə, həmin öhdəliklərə aşağıdakılar daxildir:

– Ermənistanda Qarabağ, “erməni soyqırımı” və “Qərbi Ermənistan” (Türkiyəyə qarşı ərazi iddiası) təbliğatını qadağan etmək

– Anklavları (Kərki, Sofulu, Barxudarlı və Yuxarı Əskipara kəndləri) Azərbaycana qaytarmaq

– 90 faizi razılaşdırılmış sülh müqaviləsinin qalan 10 faizini razılaşdırmaq

– Zəngəzurda ekstraterritorial dəhliz açıb Türkiyəyə təhvil vermək

– Atəşkəsi pozmamaq əmrinə tabe olmayan hərbçiləri cəzalandırmaq

– Bakıda həbsdə olan erməni hərbi cinayətkarlarının qaytarılması məsələsini tamamilə bağlamaq

– Ermənistanda azərbaycanlılara aid kütləvi məzarlıqları aşkar etmək

– Beynəlxalq məhkəmələrdə Azərbaycana qarşı bütün iddiaları geri götürmək

– Azərbaycanla razılaşdırılmış məsələləri yerinə yetirmək

– Ermənistan Silahlı Qüvvələrinin sayı və silahlanmasına tam nəzarəti Azərbaycana vermək

– Qərbi azərbaycanlıları Ermənistanda yerləşdirmək

– Birgə ərizə ilə ATƏT-in Minsk Qrupunu ləğv etmək və gələcəkdə Qarabağ mövzusuna bir daha qayıtmamaq