Almaniyada təşkil olunan Avropa çempionatının İspaniya və İngiltərə komandaları arasında keçirilən final matçının qalibi müəyyənləşib.

İspaniya yığması 4-cü dəfə Avropa çempionu olub.

Komandaya qələbə gətirən qolları Niko Uilyams (47) və Mikel Oyarzabal (86) vurub. İngiltərə yığmasından isə Koul Palmer 73-cü dəqiqədə rəqib qapısına yol tapıb. Beləliklə, İspaniya millisi İngiltərəni 2:1 hesabı ilə məğlubiyyətə uğradaraq növbəti titulunu qazanıb.

AVRO-2024
Final
14 iyul
23:00. İspaniya – İngiltərə – 2:1
Qollar: Niko Uilyams, 47. Mikel Oyarzabal, 86 – Koul Palmer, 73

Baş hakim: Fransua Leteksye (Fransa)
İspaniya: 23. Unay Simon, 2. Dani Karvahal,3. Robin Le Norman, 4. Aymerik Laport, 24. Mark Kukurelya, 16. Rodri, 8. Fabian Ruis, 19. Lamin Yamal, 10. Dani Olma, 19. Niko Vilyams, 7. Alvaro Morata.
Baş məşqçi: Luis de la Fuenta
İngiltərə: 1. Cordan Pikford, 2. Kayl Uoker, 5. Con Stouns, 6. Mark Gueyi, 3. Lük Şou, 4. Deklan Rays, 26. Kobbi Meyno, 7. Bukayo Saka, 11. Fil Foden, 10. Cud Bellingem, 9. Harri Keyn
Baş məşqçi: Qaret Sautqeyt
Berlin Olimpiya Stadionu