Mən cənab Baydenlə danışdım, biz bu məsələni həm dünən, həm də bu gün birbaşa müzakirə etdik. O bildirdi ki, proses deyildiyi kimi davam edərsə, 3-4 həftə ərzində məsələni həll edəcək.

Bu sözləri Türkiyə lideri Rəcəb Tayyib Ərdoğan ölkəsinə F-16-ların tədarükü ilə bağlı danışarkən deyib.

“F-16 üçün komponentlər məsələsinə gəlincə, biz bunu da şəxsən müzakirə etdik”, – Ərdoğan NATO sammitindən sonra Vaşinqtonda keçirdiyi mətbuat konfransında bildirib.