ABŞ dünyadakı hazırki vəziyyəti Üçüncü Dünya müharibəsinin başlanmasının proloqu kimi nəzərdən keçirməli və ona hazırlaşmaq üçün mövcud vaxtdan istifadə etməlidir. Qlobal müharibənin qarşısı hələ də alına bilər və bu, qaçılmaz iştirakdan qat-qat ucuz başa gələr.

Bu barədə “Blumberq”də dərc edilən məqalədə bildirilir.

“Bu gün Rusiya, Çin, Şimali Koreya və İran avtoritar dövlətlərin qeyri-rəsmi blokunu yaradıb, texnologiya və resurslarla bir-birinə kömək edir. Bir-birinə belə etibarlı “arxa” olan bu avtoritar dövlətlər ətraf regionları israrla tədqiq etməyə başlayıb. Onlar müxtəlif regionlarda bir çox çağırışlar yaradaraq, beynəlxalq təhlükəsizlik sistemini həddən artıq yükləməyi bacarsa, ABŞ artıq bütün bu cür böhranlara cavab verə bilməyəcək. Vaşinqtonun siyasətinin məqsədi Avropa, Yaxın Şərq və Asiyanın eyni vaxtda münaqişəyə girəcəyi təqdirdə yenidən baş verə biləcək Dünya müharibəsinin qarşısını almaq olmalıdır”, – analizdə vurğulanır.

Məqalə müəlliflərinin fikrincə, amerikalılar başa düşməlidirlər ki, əlverişli dünya nizamını saxlamaq məhv olmuş nizamı bərpa etməkdən daha ucuzdur:

“Ukraynaya yardım – ABŞ-ın müdafiə büdcəsinin təxminən 5%-nə bərabərdir – bahalı görünə bilər. Bəs Ukraynanın məğlub olduğunu görmək, sonra isə NATO-nun şərqində qisasçı, səfərbər edilmiş Rusiya ilə qarşılaşmaq daha ucuz olardımı?

Asiyada status-kvonu saxlamaq üçün tələb olunan hərbi imkanlara və koalisiya qurulmasına investisiyalar əhəmiyyətlidir. Çin Tayvanı ələ keçirdikdən və Qərbi Sakit Okean hövzəsinə kölgə saldıqdan sonra onu cilovlamaq asan olacaqmı?”/axar.az