İspaniyanın “Real Madrid” klubu Türkiyə millisinin və “Fənərbağça”nın futbolçusu Arda Güleri heyətinə qatdığını bəyan edib.

Madrid təmsilçisi bu barədə rəsmi saytı vasitəsi ilə açıqlama yayıb.

“Kral klubu” iyulun 7-də 18 yaşlı yarımmüdafiəçinin təqdimat mərasiminin və mətbuat konfransının keçiriləcəyini bildirib.

Xatırladaq ki, 18 yaşlı yarımmüdafiəçini transfer etmək uğrunda İspaniyanın digər nəhəngi “Barselona” da mübarizə aparırdı.

İstedadlı türkiyəli futbolçunun transferinə onun atası tərəfindən maraqlı reaksiya gəlib.

Futbolçunun atası Ümit Gülər “WhatsApp” statusunda “Barselona”ya yönəlik atmacalı status paylaşıb.

O, Türkiyənin məşhur “Çocuklar duymasın” serialının qəhrəmanının dilindən “Barselona”ya üstüörtülü mesaj göndərib.