Mixail Saakaşvilinin azad edilməsi üçün qərargah yaradılır.

Bunu Gürcüstanın “Milli Hərəkat” partiyasının sədri Levan Xabeişvili bəyan edib. O, partiyanın ofisində keçirdiyi brifinqdə qeyd edib ki, plan tərəfsizdir və istənilən şəxs qərargaha daxil ola bilər.

“Komandamızın vədinə uyğun olaraq, verəcəyimiz ilk qərar Mixail Saakaşvilinin azad edilməsi üçün qərargahın yaradılmasıdır. Bizim planımız bu qərargahları maddi-texniki təchizat, infrastruktur və hər cür yardımla təmin etmək, o cümlədən Mixail Saakaşvilinin azad edilməsi üçün “Milli Hərəkat”ın büdcəsinin bir hissəsinin ayrılmasıdır. İctimaiyyət bilir ki, Giorgi Çaladze ilə həftələrlə məsləhətləşmələr aparılıb. Onun komandası olacaq, qərargahın formalaşması və tənzimlənməsi ilə bağlı məsuliyyət daşıyacaq. “Milli Hərəkat” həm ölkə daxilində, həm də xaricdə Mixail Saakaşvilinin mövzusunun aktivləşməsinə töhfə vermək məsuliyyətini öz üzərinə götürür. Bütün bunlar partiyasız olacaq və Mixail Saakaşvilinin həyatı ilə maraqlanan hər kəs qərargaha daxil ola biləcək. Mən “Milli Hərəkat”la birlikdə bu qərargaha uğurlar arzulayıram”, – deyə Levan Xabeişvili bildirib.

Milli Hərəkatın üzvü və yuxarıda adı çəkilən planın liderlərindən biri Giorgi Çaladzenin sözlərinə görə, ölkə daxilində və xaricində aksiyalar Mixail Saakaşvilinin azadlığa buraxılmasına qədər davam edəcək və bu, çox yaxında baş verəcək.

“Şadam ki, bu oyunda əsas iş üslubu “danışmaq əvəzinə əməl” olacaq. Prezident Saakaşvili məsələsinin mənim üçün nə qədər önəmli olduğunu hamınız yaxşı bilirsiniz. Bu, Levan Xabeişvilinin elan etdiyi plandır. Qərargahın qapıları hər kəsin üzünə açıqdır. İlk gündən bizə başqa partiyalardan olan dostlarımız kömək edir. Yaxın günlərdə ölkə daxilində və xaricdə necə işləmək niyyətimizlə bağlı təqdimatımız olacaq və bu, Mixail Saakaşvili azadlığa çıxana qədər davam edəcək. Bu, çox tezliklə baş verəcək”, – Georgi Çaladze vurğulayıb.

Mənbə: interpressnews.ge