“Polşa Xarici İşlər Nazirliyinin (XİN) Moskva Dövlət Beynəlxalq Münasibətlər İnstitutunda (MDBMİ) təhsil almış əməkdaşlarını işdən çıxarmaq qərarı orta əsrlər inkvizisiyasına bənzəyir, çünki o zaman inkivizisiya həm də təhsilə qarşı mübarizə aparırdı”.

Bunu Rusiya diplomatik missiyasının rəsmi nümayəndəsi Mariya Zaxarova deyib.

“Elmi kəşflər edən insanları oda atan, meydanlarda yandıran məhz Mərkəzi Avropa idi. Bunu edənlər bu gün özlərini “sivil”, “demokratik” adlandıranların sələfləriydi. Təhsil ləğv edilə bilərmi? Ləğv etdilər. İdeologiyanı təkcə reallıqdan deyil, həm də bilikdən üstün tuturlar. Polşa bunu dəfələrlə yaşayıb”, – Zaxarova Polşa XİN-in bu qərarını “ən pis təcrübələrin reinkarnasiyası” adlandırıb.

Rusiya rəsmisi baş verənlər haqda “məntiqdən tamamilə məhrum”, “qürur duyduqları, əslində isə tarixlərinin biabırçı səhifələri” ifadələrinə yer verib.

Zaxarova qeyd edib ki, istənilən qərar əsaslandırılmalıdır. Onun sözlərinə görə, əgər əməkdaşlar həqiqətən də Polşa qanunvericiliyini pozublarsa, onlara qarşı konkret ittihamlar irəli sürülməlidir.

“Əgər belə deyilsə, qanunvericilik əsası olmadan insanlar işdən çıxarılırsa, günahlandırılırsa, yalnız bir əsasa görə təcrid olunursa, bu, siyasi təmizləmədir, bu, tam böyüməkdə olan insan hüquqlarının pozulmasıdır”, – XİN sözçüsü bildirib.

Zaxarova əlavə edib ki, bu, bütün insan haqları aspektlərində Qərblə tam razılaşan Polşada baş verir və indi özü bu normaları pozur.