Pakistan Senatının sədri Məhəmməd Sadik Sancrani Rusiya-Ukrayna müharibəsi zamanı göstərdiyi səylərə görə Türkiyə prezidenti Rəcəb Tayyib Ərdoğanı Nobel Sülh Mükafatına namizəd göstərdiklərini bildirib.

Bu barədə Türkiyə KİV-lərində məlumat yayılıb.

Taxıl dəhlizi razılaşması ilə bölgənin aclıqdan xilas edildiyini qeyd edən Sancrani Ərdoğanın əsl dövlət xadimi olduğunu, onun təkcə öz ölkəsinin deyil, həm də region və dünyanın rifahı üçün çalışan bir xalq lideri olduğunu vurğulayıb.

Xatırladaq ki, Türkiyə Böyük Millət Məclisinin sədri Mustafa Şentop, 28 dekabr 2022-ci il tarixində verdiyi açıqlamada,Rəcəb Tayyib Ərdoğanın Nobel Sülh Mükafatına namizədliyi üçün müraciəti olduğunu həmçinin müxtəlif ölkələrdən parlament sədrləri və deputatların müraciətləri olacağını bildirib.