“Zəif hicablılar (tam əməl etməyənlər) da övladlarımız, qızlarımızdır”.

Tehrandakı molla rejiminin ali dini rəhbəri ilk dəfə olaraq İranda qadınların hicabsız yaşaya və gəzib – dolaşa biləcəklərini açıq şəkildə ifadə etdi.

Dünən Tehranda qadınlarla görüşündə İranın ali dini rəhbəri ayətullah Seyim Əli Xamneyi belə deyib.

“Hicab İslamdan doğan zəruri şəri məsələdir və şəriətin vacib buyurduğu hökmdür. Hicabın vacibliyinə dair heç bir şəkk və şübhə yoxdur. Bunu hamı bilməlidir ki, hicab şəriətin vacib buyurduğu əmrdir və buna riyayət edilıməlidir.

Amma hicab taxmayanları dinsizlikdə və inqilab düşməni olmaqda ittiham etmək olmaz”…

Ayətullah Xamneyinin üstüörtülü açıqlaması əslində İrandakı molla rejiminin kütləvi etiraz aksiyaları qarşısında geri çəkilməsi, son 43 ildə ilk dəfə vətəndaşların tələblərini qismən də olsa, nəzərə almasıdır.

Sentyabr ayından bəri İranda genişmiqyaslı etiraz aksiyaları səngimək bilmir. Aksiyaların ən fəal iştirakçıları isə başlarındakı hicabı çıxararaq bir kənara atan iranlı xanımlardır.

Onlar hətta iyrənc və mənfur molla rejiminin atributlarından, simvollarından biri hesab etdikləri hicabları yandırırlar da

Xatırladaq ki, İranda 1979-cu ildəki İslam inqilabından sonra qadınların hicab taxmaları məcburi sayılırdı.