İyulun 7-də Çin Kommunist Partiyasının təşəbbüsü ilə Yeni Azərbaycan Partiyası Sədrinin müavini – Mərkəzi Aparatın rəhbəri Tahir Budagov və Çin Kommunist Partiyası Mərkəzi Komitəsinin beynəlxalq əlaqələr şöbəsi müdirinin müavini Çiyan Xunşan arasında video görüş keçirilib.

Görüşdə partiyalar və dövlətlər  arasındakı münasibətlərin yüksək inkişaf dinamikasından məmnunluq ifadə edilib. Dövlət başçıları arasındakı dostluq və yüksək siyasi dialoqun ölkələrimiz arasındakı münasibətlərin genişlənməsinə kömək etdiyi xüsusilə vurğulanıb.

Yeni Azərbaycan Partiyası Sədrinin müavini – Mərkəzi Aparatın rəhbəri Tahir  Budagov bildirib ki, Azərbaycan Respublikası Çin Xalq Respublikası ilə qarşılıqlı  əlaqələrə böyük önəm verir. Ölkələrimiz  arasında bu gün siyasi, iqtisadi, humanitar və digər sahələrdə əlaqələrimiz uğurla davam edir. Bu əlaqələrin inkişafında Azərbaycan Respublikasının Prezidenti  İlham Əliyev və Çin  Xalq Respublikasının Sədri Si Cinpinin dostluq münasibətlərinin əhəmiyyətinin böyük olduğunu YAP Sədrinin müavini söyləmişdir.

Videogörüş zamanı  Çin Kommunist Partiyası Mərkəzi Komitəsinin Beynəlxalq  Əlaqələr Şöbəsinin müdirinin müavini Çiyan Xunşan da bildirib ki, Çin Xalq Respublikası Sədrinin və Azərbaycan Respublikası Prezidentinin rəhbərliyi ilə müxtəlif sahələri əhatə edən əlaqələrimiz uğurla inkişaf edir. Azərbaycanın regionda Çinin əsas  tərəfdaşı olduğu qeyd olunub. Çin Xalq Respublikası Cənubi Qafqazda  sülhün, təhlükəsizliyin və əməkdaşlığın təmin olunmasında maraqlıdır, Azərbaycanın ərazi bütövlüyünü, suverenliyini dəstəkləyir.

Həmçinin görüşdə bu iki partiya arasındakı əlaqələrin güclənməsinin zəruriliyi və qarşılıqlı səmərəli əməkdaşlığın inkişaf perspektivləri geniş müzakirə olunub.

Görüş zamanı Yeni Azərbaycan Partiyası və Çin Kommunist Partiyasının nümayəndələri arasında  videokonfrans da keçirilib.

Çin Kommunist Partiyası Mərkəzi Komitəsinin Beynəlxalq Əlaqələr Şöbəsi müdirinin müavini Çiyan Xunşan ilə Yeni Azərbaycan Partiyası Sədrinin müavini – Mərkəzi Aparatın rəhbəri Tahir Budagov arasındakı videogörüş Azərbaycan həqiqətlərinin  Beynəlxalq ictimaiyyətin diqqətinə çatdırılmasında  böyük rol oynayır.

S.Qurbanov

Səbail YAP. “Ü.Hacıbəyli-68”

ƏPT sədri