Nizami Kino Mərkəzində türkiyəli rejissor Səlahəddin Sancaqlı, aktyor Ərtoğrul Şakar, prodüser Yalçın Çoban və “Eslem Film”in rəhbəri Mətin Yücelin iştirakı ilə mətbuat konfransı baş tutub.

Rejissor Səlahəddin Sancaqlı Azərbaycanda Qarabağ müharibəsindən bəhs edən film çəkəcəyini açıqlayıb:

“Şuşa ilə bağlı film çəkəcəyik. Film cənab Prezident İlham Əliyevin “Bizim işimiz haqq işidir. Biz zəfər çalacağıq” fikri ilə başlayacaq. Qarabağda şəhid olan bütün şəhidlərimizə Allah rəhmət etsin. Filmlə bağlı görüşlərimiz baş tutub. Ssenari hazırdır, filmi iyul-avqust aylarında başlamağı düşünürük”.

Aktyor Ərtoğrul Şakar Şuşa haqqında çəkilən filmdə rol alacağını açıqlayıb: “Filmdə türk və Azərbaycan aktyorları olacaq. Ekran əsərində Türkiyənin ən tanınmış aktyorları iştirak edəcəklər. Film Qarabağ müharibəsi zamanı Şuşada baş verən hadisələrə həsr ediləcək”.

Prodüser Yalçın Çoban isə deyib ki, Qarabağ haqqına filmi “Eslem Film” tərəfindən çəkiləcək:

“Bakıda ikinci işimizi təqdim edəcəyik. 22 ildir bu sahədə çalışırıq və gördüyümüz işlər ortadadır”/teleqraf.com