Rusiya Prezidenti Vladimir Putin ölkəsinin ABŞ qarşısındakı hərbi üstünlüyündən danışıb.

Putin Rusiyanın hipersəsli sistemlərinin ABŞ-dan daha güclü olduğunu iddia edib.

“Sistemlərimiz “Mach 20”-dən (ABŞ raket sistemi) yuxarı sürətlə uçur. Bu, təkcə hipersəsli yox, qitələrarası raketdir. Bu, ondan (“Mach”) daha ciddi silahdır. Artıq Rusiyada hazır vəziyyətdədir”, – Putin deyib.

Prezident hipersəsli silahların mövcudluğunun perspektivli silahların hazırlanması sahəsində ABŞ-ı qabaqlamağı mümkün etdiyini vurğulayıb:

“Artıq belə sistemlərə sahibik və tarixdə ilk dəfə yüksək rəqabətli silah sistemlərində əsas rəqibimizi – ABŞ-ı belə qabaqlayırıq. Amma bunlardan hər kəsi təhdid etmək üçün sui-istifadə etmirik”.