Azərbaycan Ordusunun müddətdən artıq həqiqi hərbi xidmət hərbi qulluqçusu əsgər Babayev Cəmil Natiq oğlu Gəncə hospitalının psixiatriya bölməsini özbaşına tərk edib.

Bu barədə Müdafiə Nazirliyindən bildirilib.

Qeyd olunub ki, Əsgər C.Babayev haqqında cinayət işi başlanılıb, araşdırma aparılır.

“Ehtimal olunur ki, hərbi qulluqçumuz Rusiya sülhməramlılarının nəzarətində olan əraziyə keçib”, – məlumatda bildirilib.

Qeyd edək ki, konkret.az-in sosial şəbəkələrin erməni seqmentinə istinadən yaydığı məlumatda isə  Azərbaycan hərbçisini Ermənistan tərəfinin əsir götürməsi barədə video görüntülər yayılıb.

Ermənistan Təhlükəsizlik Xidməti xəbəri təsdiqləyərək, guya Cəmil Babayevin Ağdərə istiqamətində sərhədi pozduğunu iddia edir.

Aktualinfo.org