“Son günlər atışmalar nəticəsində “Taliban” qruplaşmasının 500-dən çox silahlısı ölüb və yaralanıb”.

“Tolonews”in yaydığı xəbərə görə, bunu Əfqanıstanın şimalında yerləşən, “özbək əyaləti” adlanan bölgələrin lideri, keçmiş vitse-prezident, marşal Əbdül Rəşid Dostum KİV-ə telefon vasitəsi ilə müsahibəsində bildirib.

Onun sözlərinə görə, iyulun 15-də döyüşlərdə 100-dən çox qruplaşma silahlısı ölüb və yaralanıb:

Qəndəhar, Qəznə, Kunduz və Cauzcan əyalətlərində döyüşlər davam edir. “Taliban”ın həmin bölglər üzrə lideri Kari Nakib artı sağ deyil”.

Keçmiş vitse-prezident mərkəzi Kabul hakimiyyətini “Taliban”a qarşı döyüşən yerli özünümüdafiə qüvvələrini dəstəkləməyə, onları silah-sursat və avadanlıqla təchiz etməyə çağırıb.

Əbdül Rəşid Dostum yerli özünümüdafiə qüvvələrinin fədakarlıqla döyüşdüklərini və itkilərinin az olduğunu bildirib. “Taliban” silahlılarının meyitləri Kuştapə, Darzabə, Badqisə, Mazarə və Akçedə qalıb.

Xatırladaq ki, Rəşid Dostum hazırda Türkiyədədir. O, telefonla müsahibəni də oradan verib.