Rusiya Federal Məclisinin Dövlət Dumasının Müdafiə komitəsinin sədr müavini Viktor Zavarzin Ermənistan Baş naziri Nikol Paşinyanı “İskəndər” raketlərinin effektsiz olması ilə bağlı açıqlamasından sonra yalan danışmaqda ittiham edib.

V.Zavarzinin Paşinyanın tənqidinə cavabını “Danışır Moskva” radiostansiyası yayımlayıb.

“Bizim “İskəndər”lər çox yüksək dəqiqliyə malik silahdır, onlar özlərini müxtəlif təlimlərdə dəfələrlə nümayiş etdiriblər. Paşinyanın sözləri sadəcə, mütləq yalandır və onun sözləri əsasında “İskəndər”lər hətta heç bir şübhəyə alına bilməz”, – deyə o bildirib.

Onun sözlərinə görə, erməni siyasətçi müvafiq bəyanatla Dağlıq Qarabağdakı müharibənin nəticələrində öz günahsızlığını qeyd etməyi qərara alıb:

“Bir insan özünün günahkar olmadığını axtardıqda, o “İskəndər”ləri də “bəzəyəcək” və günahın erməni xalqında, ordu da olduğunu deyəcək”.

Qeyd edək ki, fevralın 23-də Nikol Paşinyan Rusiya istehsalı olan “İskəndər” əməliyyat-taktiki raket komplekslərinin işlək qabiliyyətli olmadığını bəyan edib. Onun sözlərinə görə, Rusiya raketləri “istifadə üçün uyğun deyil” və tam partlamır.

Onu da bildirək ki, 2020-ci ilin dekabr ayında Amerikanın “The National Interest” jurnalı “İskəndər-M” əməliyyat-taktiki raket komplekslərinin sıradan çıxa biləcəyini yazmışdı. Bununla belə nəşr, kompleksin hələ də xarici alıcı tapa biləcəyini, namizədlər arasında Suriya, İran və Birləşmiş Ərəb Əmirliklərinin ola biləcəyini güman etmişdi.