Rusiya, Türkiyə və İran Suriyanın şimal-şərqinin ələ keçirilməsini və neft satışından qeyri-qanuni gəlir əldə ounmasını pisləyir və bəyan edir ki, bu ərəb republikasının neft sahələri Suriya hökumətinə məxsus olmalıdır.

Bu barədə Astana formatı üzrə Soçi görüşünün yekunları əsasında qəbul olunmuş bəyanatda söhbət açılır.

«Bir daha qeyd edirik ki, qeyri-qanuni ələ keçirmə yolverilməzdir və neft satışından əldə olunan gəlirlər Suriya Ərəb Republikasına məxsus olmalıdır» – yekun sənədində deyilir.

Sənədi fevralın 17-də xüsusi nümayəndələrin plenar iclasında Rusiya prezidentinin Suriya üzrə xüsusi nümayəndəsi Aleksandr Lavrentyev oxuyub. Bəyanatın mətnini Rusiya XİN-nin mətbuat xidməti dərc edib.

Suriya münaqişəsinin tənzimlənməsi üzrə Astana formatının qarant ölkələri (Rusiya, Türkyə ıə İran) onunla razıdırlar ki, Suriyanın şimal-şərqində uzunmüddətli təhlükəsizliyə və sabitliyə nail olunması yalnız ölkənin suverenliyinin və ərazi bütövlüyünün saxlanması əsasında mümkündür.

«Moskva, Ankara və Tehran bu yerlərdə yeni reallıqlar yaratmaq cəhdlərini rədd etdilər, o cümlədən, terrorla mübarizə bəhanəsi ilə özünüidarə təşəbbüslərini və Suriyanın bütövlüyünü pozmağa yönəlik separatçı planlara qarşı durmaqda iradə nümayiş etdirirlər…» – bəyanatda deyilir.

Rusiya, Türkiyə və İran həm də İdlibdə terrorçuların güclənməsindən narahatlıq keçirdiklərini ifadə ediblər:  «İdlidəki atəşkəs zonasında situasiyanı əhatəli qaydada nəzərdən keçirdik və bu «yerdə» sakitliyin saxlanmasının (İdlib üzrə bütün razılaşmaların yerinə yetirilməsi yolu il) qaçılmaz olduğunu qeyd etdik».