Qarabağ müharibəsində itkin düşmüş erməni hərbi qulluqçuların valideynləri Rusiya Prezidenti Vladimir Putindən kömək istəyir.

Onlar 1 aydan çoxdur yaxınlarından xəbər ala bilmədiklərini, tapılması üçün Ermənistan hökumətinin heç bir səy göstərmədiyini bildirir.

İtkin düşən hərbçilərin valideynləri Qırmızı Xaç, İran və Rusiya səfirliyinə müraciət edərək övladlarına kömək etmələrini xahiş ediblər.

İtkinlərin yaxınları son günlərdə hökumət və Ermənistan Müdafiə Nazirliyinin binası yaxınlarında aksiyalar keçirir.

Bu gün isə Üçmüədzində hərbçilərin qohumları şəhərdəki bir hərbi hissənin qarşısında Ermənistan hərbi-siyasi rəhbərliyindən əsirləri geri qaytarmaq və itkin düşənləri tapmaq tələbi ilə etiraz aksiyası keçirir.