-Sevinc, qürur və inamın bir-birinə qovuşmasından yaranan möhtəşəm bir hissin təsiri altındayam.Azərbaycan xalqının bir yumruq kimi birləşməsi  şəraitində  xalq,dövlət,ordu birliyinin zəfər çalacağına və bayrağımızın tezliklə işğal altında olan bütün  torpaqlarda dalğalanacağına bütün varlığımla inanırdım. Ali Baş Komandanın rəhbərliyi ilə  müzəffər ordumuz Dövlət Bayrağı Gününə  ən böyük  təbrik kimi noyabrın 8-də Şuşamız  işğaldan azad edildi. Ordumuzun İkinci Qarabağ müharibəsindəki zəfər yürüşünün məntiqi davamı  olaraq həmin andan ”Şuşa- kimdədirsə, o da Qarabağa nəzarət edir” prinsipi işə düşdü…Noyanbrın 9-da- Dövlət Bayrağı Günündə isə İkinci Qarabağ müharibəsinin getdiyi günlər ərzində  rekord  sayda yaşayış məntəqəsinin işaldan azad olması xəbərinin ardınca böyük qələbəmizin sorağı gəldi….diplomatik  yolla  qalan torpaqlarımızın da  işğaldan azad olunmasına nail olundu.Bu münasibətlə azərbaycan xalqını təbrik edir, Ali Baş Komandan başda olmaqla  bu qələbədə əməyi olan hər kəsə sayğlarımı ifadə edirəm.

-Bu qələbə- ilk növbədə  qürür məsələsidir və prezidentindən-hər bir vətəndaşına qədər Ali Baş Komandan ətrafında yumruq kimi birləşmiş  bir xalqın çox möhtəşəm bir tarixi qələbəsisir. Bu qələbənin Azərbaycan üçün, regionumuz üçün,dünya üçün özünəməxsus əhəmiyyəti var. Bu davanın birinci mərhələsində  Azərbaycan xalqı  müharibəni yox, döyüşü uduzmasına baxmayaraq, dünyaya məğlub xalq kimi təqdim olunurduq. İkinci Qarabağ müharibəsinin nəticələrinə görə, qürurumuz  bütün dünyaya elan olundu:biz qalib xalqıq. Şanlı Ordumuz  Şuşa başda olmaqla,torpaqlarımızn xeyli hissəni işğaldan azad edib yeni reallıq yarada bildi. Yaxın həftələrə  digər torpaqlar da bizə qayıdır. Azərbaycan xalqı tarixi ədalətin, beynəlxalq hüququn və ərazi bütövlüyünün bərpa olunması uğrunda savaşı qəlibiyyətlə  başa vurdu. Qalib xalqıqsa, deməli gücün hüququnun-hüququn gücündan önə çıxdığı hazırkı dünya reallıqları şəraitində dünya çapında Azərbaycanın nüfuzu xeyli artacaq. Bu qələbə elə bir yeni reallıq yaradıb ki, bizimlə hesablaşmaq istəməyənlər də hesablaşmağa başlayıb və bundan sonra da sükanı belə də saxlamaq lazımdır ki, qələbəmizi hər cəhətdən möhkəmləndirək! 30 ilə yaxındır ki, məcburi köçkün həyatı yaşamağa məhkum edilmiş 1 milyondan artıq soydaşlarımız öz ata-baba torpaqlarına qayıdacaq. Bundan sonra biz artıq heç vaxt üzümüzdə kədər,qəlbimizdə ağrı,həsrət hissi ilə şəhərlərimizin işğal olunduqları günləri yox,  qürur hissi ilə işğaldan azad olunma günlərini  və  Böyük Qələbə Günümüzü  qeyd edəcəyik! Qələbə Bayrağını işğaldan azad olunan bütün torpaqlarımızda dalğalanması şəhidlərimiizn ruhunu şad edəcək!

Bununla yanaşı digər  mühüm ideoloji əhəmiyyət kəsb edən məqam da var: Dağlıq Qarabağın sahəsi 4,4 min  kv kilometr olmasına baxmayaraq  ermnilər  orda  ərazisi 11,5 min kv kilometr olan  Arsaq  Respublikası yaratdıqlarını elan etmişdilər.  Şanlı Azərbaycan Ordusu  bu qondarma respublikaya son qoydu. Əgər  bu qondarma Arsaq Respublika baş tutsaydı,həm Azərbaycanın digər ərazilərilərin də işğalına  iddialar güclənəcəkdi,həm də  digər ölkələrdə də  ermənilərin kompakt yaşadığı ərazilərdə  Qarabaqğlar yaratmaq  iştahası artacaqdı…. Dağlıq Qarabağın statusu,  “Arsaq” ideyası məhv oldu!  Bu qələbə ilə biz  həm 200 illik erməni ideologiyası məhv etdik, həm də  regional və dünya miqyasında erməni ideologiyasının fiaskoya uğramasına  töhfə vermiş olduq. Ona görə də beynəlxalq ictiamiyyət bilməliidr ki,  Azərbaycan 30 ilə yaxın işğal altnda olan müqəddəs torpaqlarımızı işğaldan azad etməklə yanaşı,həm də ,”erməni xəstəliyi”ni “müalicə” etməklə  Cənubi Qafqaz regionunu, ərazilərində ermənilərin kompakt yaşadığı  dövlətləri  uzun illərdir ki, təngə gəturmiş “erməni xəstəliyi”nin fəsadlarından da  xilas edilməsinin əsasını qoymaqla daha geniş anlamda xilaskar rolunu oynamış oldu!

-Azərbaycan Qarabağ davasında təkcə Ermənistana qarşı yox,dünya erməni lobbisinə,onun ələ aldığı qüvvələrlə,Ermənistanın havadarları və himayədarlarına  qarşı da savaşdı.Bu bpyda böyük güc qarşısnda  rəşadətli Azərbaycan ordusu davamlı zəfər yürüşü və öz şanlı qələbəsi  ilə yeni reallıq yarada bildi.Həmin yeni reallıq  şəraitində  Azərbaycan ərazisində kiminsə hərbi bazasının olması mümkün deyil. Razılaşmada nəzərdə tutulan şərtlər barədə geniş məlumat verildiyindən, yalnz onu qeyd etmək istərdik ki,məhdud sayda sülhməramlılardan söhbət gedir.Həm də Rusiya sülhməramlıları ilə yanaşı, qardaş Türkiyə də bu prosesdə yaxından iştirak edəcək. Bu davada Türkiyə Cümhuriyyətinin Azərbaycana verdiyi mənıvi dəstək,Türkiyə Prezidenti Rəcəb Təyyub Ərdoğanın və digər Türkiyə rəsmilərinin açıq və birmənalı şəkildə Azərbaycanı sevgi ilə dəstəkləmələri Azərbaycan üçün olduqca vacib idi və həm də  hər bir azərbaylıda unudulmaz hisslər yaratdı…bunu küçələrdə  iki bayraqla şütüyən avtomobillərin,parklarda  iki bayraqla gəzən insanlarımızın  sayı daha əyani göstərir… Azərbaycan Prezidenti öz müsahibələrdə dəfələrlə qeyd edib ki, qardaş Türkiyənin rolu əvəzolunmazdır.Münaqişənin siyasi yol ilə həll olunmasında Türkiyə fəal rol oynamalıdır və oynayır….Türkiyənin regionda nüfuzu hər kəs üçün aydındır. Bu nüfuz artır və qardaş ölkəmizin beynəlxalq münasibətlər sistemində də əhəmiyyəti böyüyür. Odur ki, Türkiyə problemin həllində iştirak edir. Bu kontekstdə Prezidentin müsahibələrində xüsusi qeyd olunun məsələrdən biri də budur ki, “Türkiyə-Azərbaycan birliyi bölgəyə sabitlik, sülh gətirir.Türkiyə-Azərbaycan birliyi daha da möhkəm olacaq. Bu da həm Türkiyə, həm Azərbaycan üçün həyati əhəmiyyət, önəm daşıyır.”

Bu davada bizim konkret hədəfimiz var idi: müqəddəs Azərbaycan torpaqlarını düşmən tapdağından xilas etmək.Qarabağ uğrunda mübarizə – xalq, dövlət, ordu birliyindən qaynaqlanan ümumxalq mübarizəsinə çevrildi və bu savaşda Azərbaycan xalqı siyasi, etnik mənsubiyyətindən, dünyagörüşündən, yaşından asılı olmayaraq, uşaqdan böyüyə kimi yumruq halında birləşib, düşmən tapdağı altında olan torpaqlarımızın azad olunmasında əlindən gələni etdi. Otuz ilə yaxındır ki, Ermənistanın işğalında olan yurd yerlərimiz şəhidlərimizin qanı bahasına bir-birinin ardınca azad oldu və şanlı qələbə çaldıq. Bu qələbə hər bir azərbaycanlıya sözlə ifadəsi mümkün olmayan möhtəşəm bir qürur hissi yaşadır.Biz, harada yaşamasından asılı olaraq  bütün həmvətənlərimizi  bundan sonra da milli  həmrəyliyimizi  qoruyub saxlamağa və həm Ali Baş Komandan kimi hərbi sahədə işğalçı Ermənistana ağır zərbələr vuran, həm də görünməz təzyiqlərə sinə gərib, dövlət başçısı kimi diplomatiya müstəvisində əldə etdiyi uğurlarla milli maraqlarımızı qoruyan prezident İlham Əliyevin ətrafında sıx birləşməyi  bundan sonra da davam etdirməklə, Azərbaycanımızın xoş gələcəyi  naminə bu möhtəşəm tariximizə bundan sonra da  yeni-yeni  gözəl   səhifələrin yazılmasını uğurla davam etdirməyə çağırırıq.