Bu gün Ermənistan üçün yeni silah tədarükü haqda bir sıra ölkələrin KİV-ləri yazıb.

Məsələn, Honkonqun internet nəşri olan “Asia Times” yazır ki, Dağlıq Qarabağ münaqişəsi Rusiyanı Ermənistana pilotsuz uçan aparatlara qarşı silah göndərməyə məcbur edib.

Bildirilir ki, artıq Ermənistan ərazisinə 1rl257 “Krasuxa-4” radioelektron basqısının (REB) çoxfunksiyalı mobil kompleksləri gətirilib. Bunlar REB-in ən son və mükəmməl sistemləridir, daha doğrusu, Rusiya Silahlı Qüvvələrinin sərəncamında olan REB-lərdir.

“Krasuxa” (REB komleksi)

“Əgər bu doğrudursa və hələlik heç kim bunu inkar etmirsə,” Krasuxa-4″ kompleksləri artıq Rusiyanın Gümrü bazasında Ermənistanda olmalıdır”, – deyə nəşr yazır.

Bu arada Ukraynanın “Dialoq” nəşri qeyd edir ki, Ermənistan üçün Dağlıq Qarabağdakı kritik vəziyyət, Rus təbliğatçılarının Gürcüstandan rəsmi icazə istəmədən bu ölkənin ərazisindən təcili olaraq Rusiya xüsusi təyinatlılarının Dağlıq Qarabağa atılmasının zəruriliyi barədə bəyanatının yaranmasına səbəb olub.

Belə ki, separatçı “dqr”  yaraqlılarına dəstəyi ilə məşhur olan “Rusiya-1” kanalının hərbi müxbiri Aleksandr Şirkov bildirib ki, guya Rusiya hərbçiləri Gürcüstandan və ya dünyanın istənilən digər ölkəsindən icazə almağa borclu deyillər.

Onun sözlərinə görə,“Rusiyanın xüsusi təyinatlıları Kremlin maraqlarına uyğun hərəkət etməli və hərbi bölmələri dünyanın istənilən nöqtəsinə atmalıdırlar”.

Eyni zamanda, “replyua.net” nəşri siyasi təhlilçi Soloman Mannın Azərbaycan Ordusunun Qarabağın dağlıq hissəsinin digər şəhərlərinə hücum etməyə hazırlaşdığı barədə bəyanatını dərc edib.

O, qeyd edir ki, Ermənistan ordusu Azərbaycanın Ermənistanın sərhədlərini pozmamağa çalışmasından və böyük qoşun kütlələrinə nəzarət etməməsindən istifadə edərək yenidən qruplaşmanı davam etdirir.

“Görünən odur ki, Ermənistan ərazisində “tank yumruğu”, desant və motoatıcı qoşunların ən yaxşı toplarının iri qüvvələri cəmləşdirilir. Əldə edilən məlumatlara görə, rusiyalı təlimatçılar erməni qırıcı pilotlarına qızğın təlim keçirlər, hərçənd Su-30-ların şturvalı arxasına həmin təlimatçıların özlərinin oturmayacağı fakt deyil”, – deyə Mann yazır…/virtualaz.org/