UEFA Çempionlar Liqasında qrup mərhələsinə start verilib.

İlk oyun günündə 4 qrupda 8 qarşılaşma keçirilib.

Azərbaycanın U-21 millisinin üzvü Emre Kaplanın çıxış etdiyi Türkiyənin “Başakşehir” klubu da ilk matçına çıxıb. İstanbul təmsilçisi Almaniyada “Leyptsiq”in qonağı olub. 2019/2020 mövsümündə Türkiyə Super Liqasının qalibi olan komandanın qitənin bir nömrəli klub turnirinin qrup mərhələsində debütü məğlubiyyətlə nəticələnib – 0:2. Kaplan sonadək ehtiyatda qalıb.

H qrupunun digər qarşılaşmasında. PSJ Fransada İngiltərə “Mançester Yunayted”inə məğlub olub – 1:2.

E qrupunda mübarizə aparan Avropa Liqasının son qalibi İspaniya “Sevilya”sı İngiltərədə “Çelsi”nin qonağı olub. Görüş qolsuz yekunlaşıb. Bu qrupun digər matçında “Renn” Fransada Rusiya “Krasnodar”ı ilə heç-heçə edib – 1:1.

F qrupunda “Zenit” Rusiyada Belçika “Brügge”sinə uduzub – 1:2. “Latsio” isə İtaliyada Almaniyanın “Borussiya” (Dortmund) komandasını yenməyi bacarıb – 3:1.

G qrupunun iddialı komandalarından İtaliya “Yuventus”u Ukraynanın paytaxtı Kiyevdə “Dinamo” üzərində 2:0, “Barselona” isə İspaniyada Macarıstan “Ferentsvaroş”u ilə matçda 5:1 hesabı ilə qalib gəlib.

Çempionlar Liqası
qrup mərhələsi, I tur

20 oktyabr

E qrupu
23:00. “Çelsi” (İngiltərə) – “Sevilya” (İspaniya) – 0:0

23:00. “Renn” (Fransa) – “Krasnodar” (Rusiya) – 1:1

Qollar: Seru Girassi, 56 (pen.) – Kristian Ramires, 59

F qrupu
20:55. “Zenit” (Rusiya) – “Brügge” (Belçika) – 1:2

Qollar: İtan Horvat, 74 (öz qapısına) – Emmanuel Bonaventure, 63. Şarl de Ketelare, 90+3

23:00. “Latsio” (İtaliya) – “Borussiya” (Dortmund, Almaniya) – 3:1

Qollar: Çiro İmmobile, 6. Marvin Hits, 23 (öz qapısına). Jan-Daniel Akpa-Akpro, 76 – Erlinq Holann, 71

G qrupu

20:55. “Dinamo” (Kiyev, Ukrayna) – “Yuventus” (İtaliya) – 0:2

Qollar: Alvaro Morata, 46; 84

23:00. “Barselona” (İspaniya) – “Ferentsvaroş” (Macarıstan) – 5:1

Qollar: Lionel Messi, 27 (pen.). Ansu Fati, 42. Filippe Koutinyo, 52. Pedri, 82. Usman Dembele, 89 – İqor Xaratin, 70 (pen.)

Qırmızı vərəqə: Jerar Pike, 68 (“Barselona”)

H qrupu
23:00. PSJ (Fransa) – “Mançester Yunayted” (İngiltərə) – 1:2

Qollar: Antoni Marsyal, 55 (öz qapısına) – Brunu Fernandeş, 23 (pen.). Markus Reşford, 87

23:00. “Leyptsiq” (Almaniya) – “Başakşehir” (Türkiyə) – 2:0

Qollar: Anxelinyo, 16; 20

Qeyd edək ki,bu gün isə UEFA Çempionlar Liqasında qrup mərhələsinin birinci turunun növbəti oyunları keçiriləcək.İkinci oyun günündə 4 qrupda 8 qarşılaşma baş tutacaq. Turnirin son qalibi “Bavariya” Almaniyada İspaniya “Atletiko”sunu qəbul edəcək. A qrupunun digər matçında Rusiya “Lokomotiv”i Avstriyada “Zaltsburq”un qonağı olacaq.

B qrupunun iddialı komandalarından “Real Madrid” İspaniyada Ukrayna “Şaxtyor”u, “İnter” İtaliyada Almaniyanın “Borussiya” (Mönxenqladbax) klubu ilə üz-üzə gələcək.

Çempionlar Liqası

Qrup mərhələsi, I tur

21 oktyabr

A qrupu
20:55. “Zalstburq” (Avstriya) – “Lokomotiv” (Moskva, Rusiya)
23:00. “Bavariya” (Almaniya) – “Atletiko” (İspaniya)

B qrupu
20:55. “Real Madrid” (İspaniya) – “Şaxtyor” (Donetsk, Ukrayna)
23:00. “İnter” (İtaliya) – “Borussiya” (Mönhenqladbax, Almaniya)

C qrupu
23:00. “Mançester Siti” (İngiltərə) – “Portu” (Portuqaliya)
23:00. “Olimpiakos” (Yunanıstan) – “Marsel” (Fransa)

D qrupu
23:00. “Ayaks” (Niderland) – “Liverpul” (İngiltərə)
23:00. “Midtüllann” (Danimarka) – “Atalanta” (İtaliya)