Rusiya Prezidenti Vladimir Putin və Belarus Prezidenti Aleksandr Lukaşenko 14 sentyabrda Soçidə danışıqlar aparıblar.

BBC-nin verdiyi məlumata görə, Putin Lukaşenko rejimini dəstəklədiyini təsdiqləyib və Rusiyanın Belarusa 1,5 milyard dollar borc verəcəyini söyləyib.

Putin Belarusu ən yaxın müttəfiqi kimi gördüyünü təkrarlayıb. Eyni zamanda, əlavə edib ki, belaruslar ölkədəki hazırkı vəziyyəti özləri həll etməlidirlər.

O, həmçinin Belarusda yeni bir konstitusiya qəbul edilməsi fikrini dəstəkləyib.

Müşahidəçilər söhbətin ən vacib hissəsinin təkbətək bağlı qapılar arxasında keçdiyini vurğulayırlar.

Bu, Belarusda kütləvi etiraz aksiyaları başlayandan sonra Putin və Lukaşenko arasında ilk şəxsi görüş idi/konkret.az/