Ermənistanın baş naziri Nikol Paşinyan, Nazirlər Kabineti üzvləri və erməni deputatlar  orta əsrlərdə İrana qarşı döyüşmüş bir erməni “sərkərdə”sinin  xatirə günü – qondarma “hərbi lider günü”nün qeyd olunmasında iştirak ediblər.

 Erməni mediasında yayılan məlumata görə, Paşinyan Ermənistanın Sünik bölgəsində, yəni Azərbaycanın tarixi Zəngəzur torpaqlarında- hazırkı Azərbaycan Respublikasının işğal alıtındakı Laçın rayonu ilə sərhəddə yerləşən Xınzirək kəndində “məşhur erməni sərkərdəsi” hesab olunan Mxitar Sparapetə həsr olunmuş bayram tədbirlərinə qatılıb.

Erməni baş nazir Azərbaycandan oğurlanmış zurna-balaban havaları altında keçirilən təntənəli mərasimi bir qədər öncə öz “Facebook” səhifəsində canlı olaraq işıqlandırıb. Onu Müdafiə naziri David Tonoyan, Nazirlər Kabinetinin bir neçə üzvü və deputatlar müşayiət edib. Mxitar Sparapetin qəbri yaxınlığında erməni hərbçilər “vətənlərinə sədaqət” andı içiblər. Paşinyan özü qəbir üzərinə gül dəstələri qoyub.

Qeyd edilir ki, Mxitar Sparapet – guya “erməni milli azadlıq hərəkatında görkəmli bir şəxsiyyət” olub. “1722-1725-ci illərdə David Bek Mxitar Sparapetin dəstəyi ilə Syunik və Qarabağ ermənilərinin İrana qarşı silahlı mübarizəsinə rəhbərlik edib və bu da “Şərqi Ermənistan”ın farslardan, demək olar ki, tamamilə azad edilməsinı gətirib çıxarıb.

Sultan Laçın/moderator.az/