Azərbaycanda pandemiyaya görə 6 aydan çoxdur ki, toy, yas, ad günü və digər mərasimlərin keçirilməsinə qadağa qoyulub. Bir çox ziyalılar və deputatlar tərəfindən toyların keçirilməsi ilə bağlı müxtəlif təkliflər irəli sürülür. Həmin təkliflərdən biri də toyların açıq havada keçirilməsidir. Azərbaycanda açıq havada toyların keçirilməsinə icazə verilə bilərmi?

Bununla bağlı şərh edən TƏBİB-in mətbuat katibi Rəvanə Əliyeva bildirib ki, brifinqdə də səsləndirildiyi kimi hazırda müxtəlif məsələlər Operativ Qərargah tərəfindən müzakirə olunur. TƏBİB bu barədə qərar qəbul edən qurum deyil. Bununla bağlı qərarlar Nazirlər Kabineti tərəfindən verilir”.

Rəvanə Əliyeva fikrini belə tamamlayıb:

“Əgər tapşırıq olarsa, qərara uyğun TƏBİB tərəfindən hər hansı bir metodiki göstərişlər işlənib hazırlana bilər, amma hazırda mən bununla bağlı nəsə deyə bilməyəcəm”.(konkret.az)