Küllü miqdarda borclu olduğu üzə çıxan və bu borc müqabilində mandatını girov qoyan sabiq deputat Rafael Cəbrayılovla bağlı borclu olduğu vətəndaşlar Baş prokuror yanında Korrupsiyaya Qarşı Mübarizə İdarəsinə müraciət edərək onunla bağlı qanuni ölçü götürülməsini tələb etmişdilər.

Artıq Rafael Cəbrayılovla bağlı cinayət işi açılıb və zərərçəkənlər qeyd olunan müvafiq quruma dəvət olunaraq  izahat veriblər.Məumata görə artıq Rafael Cəbrayılovun özü də istintaqa çağrılıb və ifadəsi alınıb.

Xatırladaq ki, Rafael Cəbrayılov ayrı-ayrı vətəndaşlardan külli miqdarda borc alıb. Borcu vaxtında qaytaracağına zəmanət olaraq III və IV çağırış deputat vəsiqəsini girov qoyub. Vədinə əməl etmədiyinə görə onun borclu olcuğu şəxslər məsələni ictimailəşdirib. Bu məsələ ictimai rezonansa səbəb olub və Rafael Cəbrayılov deputat mandatından imtina etmək məcburiyyətində qalıb.(veteninfo.az)