“Azərbaycan Respublikasının Prezidenti cənab İlham Əliyevin rusiyalı həmkarı ilə danışıb, 400 ton silah-sursatın Ermənistana satılması ilə bağlı iradını bildirməsi ondan xəbər verir ki, dövlətimizin artıq ATƏT-in Minsk Qrupuna inamı qalmayıb”.

Bunu açıqlamasında “Azərbaycan ATƏT-in Minsk Qrupunun köməyindən imtina edə bilərmi?” sualını cavablandırarkən politoloq Elxan Şahinoğlu bildirib.

Politoloq vurğulayıb ki, danışıqların faydasız olduğunu artlq cəmiyyətimiz bilir:

“Dövlət başçısı çıxışları zamanı bir neçə dəfə bildirib ki, yarımçıq həll olmamalıdır, məsələni birdəfəlik həll etməliyik. Yəni gücümüzü artırmalıyıq. Rəsmi olaraq birdəfəlik ATƏT-in Minsk Qrupundan imtina etməyimiz baş verməyəcək, amma bu qurumun vasitəçiliyinə də ehtiyac qalmayıb”.

Elxan Şahinoğlu sonda Azərbaycanın onsuz da uzun müddətdir ki, danışıqlarda iştirak etmədiyini deyib.