Futbol üzrə Almaniya Bundesliqasında XXVII turun növbəti oyunları keçirilib.

Aktualinfo.org-un məlumatına görə, lider “Bavariya” Frankfurt “Ayntraxt”ını qəbul edib. Münhendəki “Alyans Arena”da təşkil olunmuş qarşılaşma meydan sahiblərinin qələbəsi ilə yekunlaşıb – 5:2. “Bavariya”nın qollarını 17-ci dəqiqədə Leon Qoretska, 41-ci dəqiqədə Tomas Müller, 46-cı dəqiqədə Robert Levandovski, 61-ci dəqiqədə Alfonso Deyvis və 74-cü dəqiqədə “Ayntraxt”dan Martin Hinteregger öz qapısına vurub. Hinteregger avtoqoladək 52 və 55-ci dəqiqələrdə “dubl” etməyi bacarıb.

Bu nəticədən sonra xalını 61-ə çatdıran “Bavariya” ən yaxın izləyicisi Dortmund “Borussiya”sı ilə fərqi yenidən 4-ə çatdırıb. “Ayntraxt” isə 28 xalla 13-cü yerdə qalıb.

Turun digər oyunlarının nəticələri:

23 may

“Borussiya” (Mönhenqladbax) – “Bayer” – 1:3

“Volfsburq” – “Borussiya” (Dortmund) – 0:2

“Paderborn” – “Hoffenhaym” – 1:1

“Frayburq” – “Verder” – 0:1

22 may

“Herta” – “Union Berlin” – 4:0

Qeyd edək ki, tura mayın 24-də keçiriləcək “Şalke” – “Auqsburq”, “Maynts” – “Leyptsiq” və “Köln” – “Fortmuna” (Düsseldorf) görüşləri ilə yekun vurulacaq.