UEFA Avropa Liqasında 1/8 final mərhələsinin ilk oyunlarından daha 3-ü başa çatıb. 

Aktualinfo.org-un məlumatına görə, qarşılaşmaların ikisində qonaqlar qələbə qazanıbsa, biri heç-heçə ilə yekunlaşıb.

Ukrayna “Şaxtyor”u Almaniyada azarkeşsiz keçirilmiş görüşdə “Volfsburq”u məğlub edib – 2:1. Bu görüşlərdə tərəflər hərəyə bir penaltidən yararlana bilməyiblər.

Almaniyanın digər təmsilçisi “Bayer” Şotlandiyada “Reyncers” üzərində inamlı qələbə qazanıb – 3:1. Bu matçda isə Leverkuzen komandası qollarından ikincisini penaltidən vurub.

İngiltərə “Vulverhempton”u Yunanıstanda “Olimpiakos”la heç-heçəyə nail olub – 1:1. Qonaq komandadan Azərbaycan millisinin futbolçusu Renat Dadaşovun adı “18-liy”ə daxil edilməyib.

Qeyd edək ki, 1/8 final mərhələsinin digər oyunlarında İngiltərə “Mançester Yunayted”i Avstriyada LASK-ı 5:0, İsveçrə “Bazel”i Almaniyada “Frankfurt”u 3:0, “Başakşehir” isə Türkiyədə Danimarka “Kopenhagen”ini 1:0 hesabı ilə yenib.

“Sevilya” (İspaniya) – “Roma” (İtaliya) və “İnter” (İtaliya) – “Xetafe” (İspaniya) qarşılaşmaları isə koronavirus səbəbindən təxirə salınıb.

Avropa Liqası

1/8 final, ilk oyunlar

13 mart

00:00. “Reyncers” (Şotlandiya) – “Bayer” (Leverkuzen, Almaniya) – 1:3

Qollar: George Edmundson, 75 – Kay Haverts, 37 (pen.). Çarles Arangis, 67. Leon Beyli, 88

00:00. “Volfsburq” (Almaniya) – “Şaxtyor” (Donetsk, Ukrayna) – 1:2

Qollar: Con Bruks, 48 – Junior Moraeş, 17. Markos Antonio Silva, 73

İstifadə olunmamış penaltilər: Vaut Veqhorts, 45+2 – Viktor Kovalenko, 22

00:00. “Olimpiakos” (Yunanıstan) – “Vulverhempton” (İngiltərə) – 1:1

Qollar: Yussef El-Arabi, 54 – Pedru Netu, 67

Qırmızı vərəqə: Ruben Semedu, 29 (“Olimpiakos”)

Qeyd edək ki, cavab görüşləri martın 19-da olacaq.

UEFA Avropa Liqasında 1/8 final mərhələsinin ilk qarşılaşmalarından 3-ü başa çatıb.

Türkiyənin yeganə təmsilçisi “Başakşehir” Danimarka “Kopenhagen”ini qəbul edib. İstanbul komandası Edin Vişçanın 88-ci dəqiqədə penaltidən vurduğu qolla qələbəyə nail olub – 1:0.

Digər oyunlarda İngiltərə “Mançester Yunayted”i Avstriyada LASK-ı 5:0, İsveçrə “Bazel”i isə Almaniyada “Ayntraxt”ı 3:0 hesabı ilə darmadağın edib. “Qırmızı şeytanlar” son 55 ildə avrokuboklarda ən böyük hesablı səfər qələbəsinə imza atıblar. Sonuncu dəfə “Mançester Yunayted” 1965-ci il Yarmarkalar Kubokunun 1/4 finalında Fransa “Strasburq”unu eyni hesabla yenib.

Qeyd edək ki, Bakı vaxtı ilə saat 00:00-da daha 3 görüşə start veriləcək. “Sevilya” (İspaniya) – “Roma” (İtaliya) və “İnter” (İtaliya) – “Xetafe” (İspaniya) görüşləri isə təxirə salınıb.

Avropa Liqası

1/8 final mərhələsi, ilk oyunlar

12 mart

21:55. “Ayntraxt” (Frankfurt, Almaniya) – “Bazel” (İsveçrə) – 0:3

Qollar: Samuele Kampo, 27. Kevin Bua, 73. Fabian Fray, 85

21:55. “Başakşehir” (Türkiyə) – “Kopenhagen” (Danimarka) – 1:0

Qol: Edin Vişça, 88 (pen.)

21:55. LASK (Avstriya) – “Mançester Yunayted” (İngiltərə) – 0:5

Qollar: Odion İqalo, 28. Daniel Ceyms, 58. Xuan Mata, 82. Meyson Qrinvud, 90+2. Andreas Pereyra, 90+3