Ukraynanın aparıcı KİV-ləri Prezident Vladimir Zelenskinin Azərbaycana rəsmi səfərini geniş işıqlandırıb.

Ukraynanın ТСН, “1+1”, “2+2” və digər telekanalları Prezident V.Zelenskinin Bakıya rəsmi səfəri ilə bağlı reportajlar yayımlayıblar.

Bundan başqa, Ukraynanın UKRİNFORM, UNİAN, RBC, 112.ua və digər agentlik və saytlarında qeyd olunur ki, Prezident V.Zelenskinin Bakıya səfəri zamanı mühüm məsələlər müzakirə olunub.

Həmçinin bildirilir ki, Azərbaycan-Ukrayna biznes forumunda prezidentlər bir sıra mühüm məsələlərə, o cümlədən iqtisadi və ticari əlaqələrin, turizmin inkişafına dair çıxışlar ediblər.

Məqalələrdə prezidentlərin görüşü, sənədlərin imzalanması, mətbuata bəyanatlar, Azərbaycanın Birinci vitse-prezidenti Mehriban Əliyevanın Ukraynanın Birinci xanımı Yelena Zelenskaya ilə görüşü barədə də ətraflı məlumat verilib.

Aktualinfo.org