“Bəzi icra başçıları saxta adamların adlarını siyahıya yazdırırdılar, onlara düşən vəsaiti mənimsəyirdilər və beləliklə talançılıqla məşğul idilər. Onların artıq cəzası verilibdir. Ona görə bu sahədə də tam şəffaflıq təmin edilməlidir…”

Bu sozlər Prezident İlham Əliyev  oktyabrın 31 -də Yevlax və Xaçmaz rayonlarına yeni  İcra Hakimiyyətinin başçısı vəzifələrinə təyin olunması ilə əlaqədar qəbul zamanı etdiyi çıxışdandır. Cənab Preziden sözügedən qəbul zamanı bir çox məsələlərə toxundu və yerlərdə İcra Hakimiyyəti orqanları tərəfindən vətəndaşların incidildiyinin yolverilməz olduğunu yeni icra başçılarının diqqətinə çatdırdı.

Şübhəsiz Prezidentin həmin çıxışı həmin gün ölkənin gündəmini zəbt etdi. Prezidentin bu çıxışından sonra yerli icra hakimiyyəti orqanları nə kimi nəticələr çıxardı? İllərdir İcra Hakimiyyəti strukturunda çalışan,və sakinlərin daim narazılıq etdikləri İcra başçıları arasında işlərində hər hansı bir dönüş yaradan oldumu? İcra Hakimiyyəti strukturunda uzun müddətdir işləyənlənlərdən biri də 2015 ci ildən Ucar rayonuna icra Hakimiyyətinin başçısı təyin edilmiş Mənsur Məmmədov bu rayonda nə ilə yadda qalıb? Xatırladaq ki, Mənsur Məmmədov Ucardan əvvəl Göycay və Zərdab rayonlarında da İcra Hakimiyyətinin başçısı kimi çalışıb. Ancaq hər iki rayonda da heç bir yaddaqalan əməli olmayan Mənsur Məmmədovun Ucarda da heç bir yenilik etmədiyi açıq aydın görsənir. Onun rayonda sabiq Nəqliyyat naziri Ziya Məmmədovun qardaşları,qohumları ilə birgə gördüyü işlər barədə dövrü mətbuatda kifayət qədər yazılıb. İcra başçısının öz qardaşlarına və qohumlarına da rayonda müxtəlif vəzifələr verməsi də heç kimə sirr olmayan məsələlərdir.

Aktualinfo.org-un əldə etdiyi məlimatlar isə İcra başçısının qohumları və şəxsi biznesi ilə bağlı deyil. Redaksiyanın əldə etdiyi məlimatlarda dövlət vəsaitlərinin tender yolu ilə talan edildiyi bildirilir. Qeyd edək ki, Ucar Rayon İcra Hakimiyyəti başçısının Ucar şəhər üzrə Ərazi İcra Nümayəndəliyi tərəfindən elan olunmuş, 20 11 2019- cu ildə keçirilmiş tenderin qalibi olan fiziki şəxs Qasımov Zakir Məhəmməd oğludur.  Sözügedən şəxs icra Nümayəndəliyinin elan etdiyi Əlavə vəsait hesabına 2019-cu ildə respublikanın şəhər və regionlarında sosial müdafiəyə ehtiyacı olan əhali qruplarının məşğulluğunun artırılması istiqamətində həyata keçirilən məqsədyönlü tədbirlərin davam etdirilməsi məqsədi ilə haqqı ödənilən ictimai işlərə cəlb edilmiş işçilərə inventar və mal-materialların alınması üzrə elan olunmuş tenderdə 10421 AZN, Əlavə vəsait hesabına 2019-cu ildə respublikanın şəhər və regionlarında sosial müdafiəyə ehtiyacı olan əhali qruplarının məşğulluğunun artırılması istiqamətində həyata keçirilən məqsədyönlü tədbirlərin davam etdirilməsi məqsədi ilə haqqı ödənilən ictimai işlərə cəlb edilmiş işçilərə yumşaq inventarların alınması üzrə elan olunmuş tenderdə 12 668 AZN, 2019-cu ildə respublikanın şəhər və regionlarında sosial müdafiəyə ehtiyacı olan əhali qruplarının məşğulluğunun artırılması istiqamətində həyata keçirilən məqsədyönlü tədbirlərin davam etdirilməsi məqsədi ilə haqqı ödənilən ictimai işlərə cəlb edilmiş işçilərə inventar və mal-materialların alınması üzrə elan olunmuş tenderdə 36 487 AZN,2019-cu ildə respublikanın şəhər və regionlarında sosial müdafiəyə ehtiyacı olan əhali qruplarının məşğulluğunun artırılması istiqamətində həyata keçirilən məqsədyönlü tədbirlərin davam etdirilməsi məqsədi ilə haqqı ödənilən ictimai işlərə cəlb edilmiş işçilərə yumşaq inventarların alınması üzrə elan olunmuş tenderdə 44406 AZN dövlət sifarişı alıb.  

Fiziki şəxs olan Qasımov Zakirin qalibi olduğu tenderlərin özü çox maraqlı tenderdir. Sosial müdafiəyə ehtiyacı olan əhali qruplarının məşğulluğunun artırılması istiqamətində həyata keçirilən məqsədyönlü tədbirlərin davam etdirilməsi məqsədi ilə haqqı ödənilən ictimai işlərə cəlb edilmiş işçilərə yumşaq inventarların alınması. Bu ehtiyacı olanlar kimlərdir? Məşğulluğun artırılması istiqamətində həyata keçirilən tədbirlər hansılardır? İctimai işlərə cəlb edilmişlərə yumşaq inventarlar nə məqsədlə alınır kimi suallar çıxır ortaya . Elə Qasımov Zakirin özünün də kimliyi sual doğurur. Ust-üstə 100000 manatlıq tenderin qalibi olan bu şəxsin bu pullara həqiqətən də mal material, inventarlar alması və kimlərəsə verməsi də sual doğurur.

Ucar rayon İcra Hakimiyyəti başçısının Ucar şəhəri üzrə Ərazi Nümayəndəliyi tərəfindən elan olunmuş digər  tendrləri isə “Talıb R” MMC  qazanıb. Ucar şəhəri inzibati ərazi dairəsi üzrə nümayəndəlikdə cari təmir işlərin satınalması 5887 AZN Ucar şəhəri 2 saylı körpələr evi uşaq bağçasında təmir işləri 16695 AZN,Yumşa inventarların alınması 5140 ,Bərk inventarların alınmasına 6540 AZNSual taranır, yunşaq və bərk inventarların alınması üzrə tenderlərdə qalib gələn MMCkörpələr evi uşaq bağçasını necə təmir edə bilər? Ucar şəhər icra nümayəndəliyi şəhərdə görüləcək abadləıq işlərinin satınalması barədə elan etdiyi tenderin qalıbi Tunay -ZA Mmc 166427.27 tenderin qalibi olub kimə məxsusdur o da maraqlıdır.

Bu elan olunmuş tenderlərin qalib çıxmış şirkətlərin ən maraqlısı isə “İnpeksN”MMC-dir. Bu şirkət Ucar şəhər İcra Nümayəndəliyinin şəhərdaxili yolların əsaslı təmiri üçün elan etdiyi tenderin qalibi olub. Dövlət sifarişinin qiyməti nə az,nə də çox düz 342594.45 AZN-dir  Qeyd edək ki, “İnpeksN” MMC bir neçə ay öncə Şəki Regional Mədəniyyət İdarəsinin elan etdiyi yumşaq mebellərin və inventarların alınması məqsədi ilə elan etdiyi 227000 manatlıq tenderin də qalibi olub. Maraqlı sual çıxır ortaya. Yumşaq mebellərin alışını həyata keçirən bir MMC Ucar kimi bir şəhərin daxılı yollarının əsaslı təmirini necə apara bilər? Yol çəkilişi axı mebel alveri deyil. Burada xüsusi texnikalardan istifadə etməklə yol çəkilişi mütəxəsisilərinin çalışması vacib deyilmi? Vergilər Nazirliyinin Bakı şəhəri Lokal Gəlirlər Baş İdarəsində 08.08 2013 cu ildə qeydiyyatdan keçmiş, qanuni təmsilçisi Ramazanov İntiqam Adil Oğlu olan !İnpeksN” MMC nin nizamnamə kapitalı 10 manatdır.  İnpeksN MMC 2018 ci ildə də bir neçə tenderin qalibi olub. Nizamnamə kapitalı 10 manat olan bir MMC il ərzində bizim bildiyimiz bir neçə tenderin qalibi olaraq az qala yarın milyondan çox dövlət sifarişi əldə edib. Ramazanov İntiqam burada formal bir şəxsdir. Əslində kimə məxsusdur bu MMC?  Əli hər yerə çatan istənilən adda tenderlərin qalibi olan bu MMC hansı vəzifəlinin qohumudur ki, bu qədər dövlət sifarişləri ala bilir?  

Tenderi elan etmiş qurumun,Ucar rayon İcra Hakimiyyəti başçısının Ucar şəhər üzrə Ərazi İcra nümayəndəsi Abdulla İbrahimovu bu MMC ilə hansı tellər bağlayır.?Abdulla İbrahimovun rayon İcra Hakimiyyəti başçısının ən yaxın adamlarından biri olduğunu bu gün Ucarda hər kəs bilir. Bəlkə bu MMC elə rayon İcra Hakimiyyətinin başçısı Mənsur Məmmədovun çevrəsinə aiddir? Bizi izləyin.

Aktualinfo.org